amérika bilen xitay taliban bilen kélishim tüzemdu?
pakistan, afghanistan, amérika we xitay qatarliq döletlerning yuqiri derijilik rehberliri afghanistan hökümiti bilen taliban otturisida qaytidin söhbet bashlinishi meqsitide muzakire élip bérish üchün yene bir qétim bir yerge jem bolidu.
türkiye awazi radiyosi xewiri: pakistan tashqi ishlar ministirliqi 4 dölettin teshkil tapqan alaqe guruppisining bügün islamabadta bir yerge jem bolidighanliqini jakarlidi.
melumatlargha qarighanda, afghanistan hökümiti bilen taliban otturisidiki uchrishishlarning «yol xeritisi» ni sizip chiqish nishan qilinghan üchinchi qétimliq uchrishishqa afghanistan tashqi ishlar muawin ministiri hékmet xelil karzai, pakistan tashqi ishlar ministirliqining muawin bash katipi aizaz ehmed chadihori, xitay we amérika rehberliri ishtirak qilidiken.
uchrishishta tereplerning söhbet ötküzüshni xalaydighan guruppilar bilen qeyerde we qaysi yosunda muzakire élip bérish, söhbet ötküzüshni xalimaydighan guruppilargha qarshi qandaq pozitsiye tutush qatarliq mesililerningmu muzakire qilinishi kütülmekte.
pakistan, afghanistan, amérika we xitay bultur dékabirning bashlirida qaytidin tinchliq söhbiti élip bérish üchün ortaq xizmet ishlesh méxanizmi qurush mesiliside birdeklik hasil qilghanidi.
