шимшәк: әрәб бирләшмә хәлипилики түркийәниң муһим истратегийәлик шериклиридин бири
түркийә җумһурийити хәзинә вә малийә министири мәһмәт шимшәк әрәб бирләшмә хәлипиликиниң түркийәниң әң муһим истратегийәлик шериклиридин бири икәнликини билдүрди.
2216618
министир мәһмәт шимшәк әрәб бирләшмә хәлипиликиниң әнқәрәдики баш әлчиси сәид сани заһириниң саһибханлиқида бир меһманханида өткүзүлгән әрәб бирләшмә хәлипиликиниң 53-қетимлиқ қурулуш хатирә йилини тәбрикләш мурасимиға қатнашти.
паалийәтниң ечилишида сөз қилған министир шимшәк икки дөләт оттурисидики сийасий мунасивәтниң интайин йахши икәнликини вә күнсайин күчийиватқанлиқини тәкитлиди.
у сөзини давамлаштуруп: «түркийә әрәб бирләшмә хәлипиликиниң әң чоң, бизгә нисбәтән бәшинчи сода шерики болди. бу нәтиҗидә, әлвәттә, алтун муһим рол ойниди. биз содимизни мал-мүлүк вә мулазимәт түрлирини көпәйтиш арқилиқ ашуруп давамлаштурушни халаймиз. нөвәттики һәмкарлиқ механизмимиз, болупму әркин сода келишими һәр икки дөләт пайдилинидиған муһим нәтиҗиләрни қолға кәлтүрүшниң йолини ачти» дегәнләрни қәйт қилди.
