хәлқаралиқ ‹тәйк офф истанбул› паалийити технологийә саһәси вә карханичиларни учраштуриду

түркийә авази радийоси хәвири: карханичилиқ вә технологийә дунйасиниң әң нопузлуқ учришиш нуқтиси болған «тәйк офф истанбул» 2024-йили 11-12-декабир күнлири истанбул көргәзмә мәркизидә ечилиду.

түркийә технологийә гурупписи вәхписи (T3 вәхписи) башламчилиқида уйуштурулған бу паалийәт, 2018-йилидин буйан йеңичә идийәләрни, карханичиларни вә мәбләғ салғучиларни бир йәргә топлап, кәлгүсиниң йөнилишини бәлгиләп кәлмәктә.

«тәйк офф истанбул 2024» карханичиларни пәқәт супа билән тәминләпла қалмай, уларни мукапатлар арқилиқму риғбәтләндүриду.

карханичилар паалийәт җәрйанида көргәзмә понкитлирида лайиһәлирини намайан қилип, кәң хәлқ аммиси билән  алақә орнитиш, тор қуруш пурсәтлири арқилиқ саһәдики башқа кәспий хадимлар билән тонушуш вә мәбләғ салғучи орунлар билән биваситә көрүшүш пурситигә еришәләйду.

сөзлигүчиләр карханичиларға йол көрситип, уларни риғбәтләндүриду. буниңдин сирт, «тәйк офф 20» консепти билән әң йеңичә вә җәлпкар карханилири мәбләғкә еришиш / йардәм еришиш, мукапатларни елиш пурситигә еришиду.

шуниң билән биргә, паалийәттә орун алған шерик органлар билән иқтисадий җәһәттин қоллиған орунлар тәрипидин сунулған алаһидә мукапатлар, карханиларниң хәлқаралиқ базарға йүзлиниш күчини ашуриду.