تۈركىيەدىن 116 دۆلەتكە 175 مىليون دوللارلىق دوسقان زەيتۇنى ئېكسپورت قىلىندى

تۈركىيە ئاۋازى رادىيوسى خەۋىرى: ئەگە زەيتۇن ۋە زەيتۇن يېغى ئېكسپورتچىلار جەمئىيىتىنىڭ مۇئاۋىن رەئىسى داۋۇت ئەر دوسقان زەيتۇنى ئېكسپورتى پەسىلىنىڭ ئاخىرلىشىشىغا يەنە 2 ئاي قالغانلىقىنى بىلدۈردى.

داۋۇت ئەر بۇ جەرياندا ئېكسپورتتا 200 مىليون دوللارلىق نىشاندىن ھالقىشنى نىشان قىلغانلىقىنى بىلدۈرۈپ: «تۈركىيەدىكى 85 مىليون كىشىنىڭ ئېھتىياجىنى قاندۇرغىنىمىزغا ئوخشاش، 116 دۆلەتكە 65 مىڭ 325 توننا زەيتۇن ئېكسپورت قىلدۇق. 2024 – ۋە 2025 – يىللىق  پەسىلدە ئېكسپورتنى 100 مىڭ توننىغا يەتكۈزۈشنى نىشان قىلماقتىمىز» دېدى.

زەيتۇن ئېكىسپورتىدا 43 مىليون 100 مىڭ دوللارلىق ئېمپورت بىلەن گېرمانىيە بىرىنچى ئورۇندا تۇردى.