шимшәк 20 дөләт гуруһи йиғиниға қатнишиду

түркийә авази радийоси хәвири: 20 дөләт гуруһи малийә министирлири вә мәркизий банка башлиқлириниң 26-25-ийул күнлири чақирилидиған йиғиниға, түркийә хәзинә вә малийә министири мәһмәт шимшәк билән мәркизий банкасиниң башлиқи фатиһ қарахан бирликтә қатнишиду.

бу йиғин бу йил (2024) чақирилидиған министирлар дәриҗилик үчинчи 20 дөләт гуруһи паалийити болуп һесаблиниду.

министир шимшәкниң 20 дөләт гуруһи йиғининиң «йәршари иқтисадиниң келәчики вә давамлишиватқан хирислар» темисидики бөлүмидә нутуқ сөзлигүчиләрниң бири болуши вә бу йәрдә йәр шари иқтисади билән түркийә иқтисади һәққидә тохтилиши мөлчәрләнмәктә.

мәһмәт шимшәкниң йиғинларға қатнашқандин башқа, кәсипдашлири биләнму икки тәрәплик учришишларни елип бериши күтүлмәктә.

20 дөләт гуруһи йиғининиң күнтәртипини, йәршари иқтисадиниң келәчики, пул-муамилә саһәсиниң әһвали, баҗ сийаситидики хәлқара һәмкарлиқ, килимат өзгириши, имканийәтлик сиҗил тәрәққийат нишани, көп тәрәплик тәрәққийат банкалиридики ислаһат вә йәр шари қәрз әһвали қатарлиқ мәсилиләр тәшкил қилиду.