تۈركىيەدە ئىشسىزلىق نىسبىتى تۆۋەنلىدى

تۈركىيە ئاۋازى رادىيوسى خەۋىرى: تۈركىيە ئىستاتىستىكا ئورگىنى 9-ئايلىق ئەمگەك كۈچى دوكلاتىنى ئېلان قىلدى.

بۇنىڭغا ئاساسلانغاندا، 9-ئايدا ئىشسىزلىق نىسبىتى ٪9.1 كە چۈشۈپ، ئالدىنقى ئايدىكىدىن 0.1 پىرسەنت پوئىنت تۆۋەنلىگەن.

مەملىكەت بويىچە ئىشسىزلارنىڭ سانىدىن 46 مىڭ كىشى ئازىيىپ، 3 مىليون 168 مىڭ ئادەمگە چۈشكەن.

9- ئايدا ئىشقا ئورۇنلاشقانلار سانى 31 مىليون 686 مىڭغا يەتكەن.

ئەمگەك كۈچلىرىنىڭ سېپىگە قاتناشقانلارنىڭ سانى 34 مىليون 854 مىڭغا، ئىشقا ئورۇنلىشىش نىسبىتى ٪48.3 كە يەتكەن.