riyad türkiye qatarliq bir qisim döletler bilen hemkarliq türliri toghrisida söhbetlishidiken
seudi erebistan xitay, firansiye, özbékistan we türkiye qatarliq döletler bilen shérikichlik we hemkarliq türlirini muzakire qilishni qarar qildi.
türkiye awazi radiyosi xewiri: seudi erebistan resmiy xewer agéntliqi (SPA), padishah selman bin abdulezizning riyasetchilikide jiddede échilghan ministirlar kéngishi yighinida, xitay terep bilen yuqiri derijilik komitét qurush toghrisidiki kélishimni toluqlighuchi layihe üstide söhbetlishishni qarar qilghanliqini xewer qildi.
kabinét yene, türkiye bilenmu ikki dölet hökümetlirining ijtimaiy mulazimet saheside hemkarliq ornitishigha munasiwetlik ramka kélishimi layihesini muzakire qilishni qarar qildi.
yighinda, firansiye hökümiti bilen istratégiyelik hemkarliq kéngishi qurushqa dair bir ramka kélishimi layihesi we özbékistan terep bilen atom énérgiyesidin tinch paydilinish hemkarliqi ornitishni mezmun qilghan bir ramka kélishimi üstide söhbetlishish qarar qilindi.
kabinét yene, döletning sijilliqqa ige qizil déngiz istratégiyesini turghuzush toghrisida birdeklik hasil qildi.
seudi erebistanning sijilliqqa ige qizil déngiz istratégiyesi heqqide tepsiliy uchurlar teminlenmigen bolsimu, seudi erebistan 2020- yili 1- ayda qizil déngizgha qoshna ereb we afriqa döletliri kéngishi qurush toghrisida toxtam imzalighanliqini élan qilghanidi.
