рийад: нефитқа йуқири баһа чеки қойған дөләтләргә нефит сатмаймиз

түркийә авази радийоси хәвири: сәуди әрәбистан енергийә министири абдуләзиз бин сәлман бәзи дөләтләрниң сәуди әрәбистанниң нефит експортиға йуқири баһа чеки қойушиниң мумкинликини тилға елип: «мәһсулатимизға бундақ сийасәт йүргүзгән һәр қандақ дөләткә нефит сатмаймиз» деди.

сәуди әрәбистан рәсмий хәвәр агентлиқи — SPA, енергийә министири бин сәлманниң « Energy İntellengence» ториға байанат берип, дөлитиниң нефит ишләпчиқириш миқдарини азайтидиғанлиқини, «әгәр башқа дөләтләрму шундақ қилса» һәйран қалмайдиғанлиқини ейтқанлиқини хәвәр қилди.

бин селман «NOPEC» қанун лайиһәси билән йуқири баһа чеки қойушниң дариисини кеңәйтиш оттурисида зор пәрқ барлиқини байан қилип, «буниң нефит базириға көрситидиған йошурун тәсириниң охшаш» икәнликини билдүрди.

сәуди әрәбистан енергийә министири абдуләзиз бин сәлман бәзи дөләтләрниң сәуди әрәбистанниң нефит експортиға йуқири баһа чеки қойушиниң мумкинликини тилға елип: «мәһсулатимизға бундақ сийасәт йүргүзгән һәр қандақ дөләткә нефит сатмаймиз. бу хил сийасәтләр очуқ – ашкара болуш вә муқимлиққа еһтийаҗлиқ болуватқан бир пәйттә йеңи хәвпләр вә техиму көп ениқсизлиқларни пәйда қилиду. мән бу хил сийасәтләрниң муқәррәр һалда базарниң муқимсизлиқи вә давалғушини ашуруветидиғанлиқини йәнә бир қетим тәкитләймән» деди.

нефит експорт қилғучи дөләтләр тәшкилати — OPEC қа қарши «нефит ишләпчиқарғучи вә експорт қилғучи бүркүтләргәр қарши туруш — NOPEC» намлиқ қанун лайиһәси тунҗи қетим 2000-йили оттуриға қойулған болуп, қанунлаштурулуши үчүн буниңдин илгири 16 қетим америка дөләт мәҗлисигә сунулғаниди.