истанбул 2022 – йили қанчилик сайаһәтчини күтүвалди?

түркийә авази радийоси хәвири: истанбул вилайәтлик мәдәнийәт вә сайаһәт идарисиниң санлиқ мәлуматлириға асасланғанда, 2022-йили истанбулни зийарәт қилған чәт әллик сайаһәтчиләрниң сани 16 милйон 18 миң 726 гә йәткән.

алдинқи йили (2021) истанбулни  9 милйон 25 миң 4 киши зийарәт қилған болуп, сайаһәтчиләрниң сани 2022-йили 6 милйон 993 миң 722 киши көпәйгән.

2021-йили истанбулни әң көп германийәликләр зийарәт қилған болса, 2022-йили русийәликләр биринчи орунға өткән.

өткән йили истанбул шәһиригә 1 милйон 495 миң 24 русийәлик кәлгән.

росийәдин қалсила 1 милйон 237 миң 314 сайаһәтчи билән германийә иккинчи, 1 милйон 97 миң 993 сайаһәтчи  билән иран үчинчи, 717 миң 107 сайаһәтчи  билән америка төтинчи, 613 миң 199 сайаһәтчи билән әнглийә бәшинчи, 567 миң 475 сайаһәтчи билән фирансийә алтинчи, 473 миң 563 сайаһәтчи билән исраилийә йәттинчи, 423 миң 945 сайаһәтчи билән ирақ сәккизинчи, 390 миң 353 сайаһәтчи билән сәуди әрәбистан тоққузинчи вә 388 миң 926 сайаһәтчи билән кувәйт онинчи болған.