rusiye ukraina arqiliq yawropagha yetküzülidighan tebiiy gaz miqdarini %20 ashurdi
rusiye énérgiye shirkiti «gazprom» (Gazprom) ukraina arqiliq yawropagha yetküzülidighan tebiiy gaz miqdarini bügün (1-féwral) tünügünkige sélishturghanda %20 ashurup, 29 milyon 400 ming kubmétirgha yetküzgenlikini élan qildi.
türkiye awazi radiyosi xewiri: rusiye énérgiye shirkiti gazprom rusiye metbuatlirigha bergen bayanatida, sohranéwka tarqitish nuqtisidin gaz yetküzüsh telipining ukraina teripidin ret qilinghanliqi bildürüldi.
gaz yetküzüshning suja nuqtisidin dawamlishidighanliqi bildürülgen bayanatta yene, bu nuqtidin toshush miqdarining bügün 29 milyon 400 ming kubmétirgha chiqirilghanliqi uqturuldi.
gazprom tünügün (31-yanwar) ukraina arqiliq yawropagha 24 milyon 500 ming kubmétir tebiiy gaz ewetken bolup, shundaq qilip, gazpromning gaz yetküzüsh nisbiti 31 - yanwargha sélishturghanda %20 ashqan boldi.
ukraina 2022-yili mayda rusiye tebiiy gazining üchtin biri ötidighan sohranéwka tarqitish nuqtisidin gaz yetküzüshni toxtatqan idi.
gazpromning shimaliy éqim turuba liniyeliri, yamal-yawropa arqiliq gherbiy we ottura yawropagha tebiiy gaz yetküzüshmu toxtap qalghan idi.
gazpromning bu rayonlargha gaz yollishi peqet ukraina arqiliqla dawamliship kelmekte.
