rusiye polshagha 500 ming tonna rusiye néfiti yollighanliqini élan qildi
rusiye néfit turubba yoli bashqurghuchisi «Transneft» polshagha yanwarda 500 ming tonna rusiye néfiti yollighanliqini élan qildi.
türkiye awazi radiyosi xewiri: «Transneft» ning rusiye xewer agéntliqi «TASS» qa bergen bayanatida, qazaqistandin gérmaniyege 20 ming tonna néfit toshush üchün zörür bolghan xizmetlerning tamamlanghanliqini bildürüldi.
bayanatta, néfitning drujba néfit turuba yoli arqiliq toshulghanliqi we bu xizmet jeryanning emdilikte pütünley qazaqistan terepning igidarchiliqida ikenliki uqturuldi.
polshaning rusiye néfitini sétiwilishni dawamlashturidighanliqi bildürülgen bayanatta yene, yanwarda 500 ming tonna rusiye néfitining polshagha yollanghanliqi eskertildi.
yawropa ittipaqi döletliri ukraina urushi sewebidin rusiyedin néfit sétiwélishini azaytishqa tirishmaqta we rusiyening énérgiye sahesige her xil émbargolarni yürgüzmekte.
drujba néfit turuba yoli bolsa, bu émbargolarning sirtida qaldurulghan idi.
