فىلىپس 6 مىڭ كىشىنى ئىشتىن بوشىتىدۇ
مەركىزىي گوللاندىيەگە جايلاشقان ئېلېكترونىك گۇرۇھى شىركىتى فىلىپس (Philips)، شىركەتنىڭ زىيان تارتىۋاتقانلىقى سەۋەبىدىن چىقىملارنى ئازايتىش مەقسىتىدە دۇنيانىڭ ھەر قايسى جايلىرىدىكى شىركەتلەردىن 6 مىڭ كىشىنى خىزمەتتىن بوشىتىدىغانلىقىنى ئېلان قىلدى.
1939771
تۈركىيە ئاۋازى رادىيوسى خەۋىرى: فىلىپسنىڭ 2022-يىللىق مەھسۇلات سېتىشقا مۇناسىۋەتلىك دوكلاتىدا، مەھسۇلات سېتىش مىقدارىنىڭ تۆۋەنلىگەنلىكىنى ۋە 1.6 مىليارد ياۋرو زىيان تارتقانلىقى قەيت قىلىندى.
دوكلاتتا، شىركەتنىڭ 2023-يىلى دۇنيانىڭ ھەر قايسى جايلىرىدىكى شىركەتلەردىن 6 مىڭ كىشىنىڭ ئىشتىن بوشىتىلىدىغانلىقى ئەسكەرتىلدى.
دوكلاتتا يەنە، بۇ كىشىلەرنىڭ 1100 نىڭ گوللاندىيە پايتەختى ئامستېردام ۋە ئېيندخوۋېن شەھىرىدە ئىكەنلىكى بىلدۈرۈلدى.
فىلىپسنىڭ دۇنيادا 80 مىڭ خىزمەتچىسى بار بولۇپ، 2022-يىلى ئۆكتەبىردە چىقىملارنى ئازايتىش ئۈچۈن 4 مىڭ كىشىنى ئىشتىن بوشاتقان ئىدى.
مۇناسىۋەتلىك خەۋەرلەر
شىمشەك: يەرشارى مەبلەغ سالغۇچىلىرى تۈركىيەنىڭ ئىقتىسادىي پىلانىغا ئىشىنىدۇ
مىنىستىر مەھمەت شىمشەك ئامېرىكا قوشما ئىشتاتلىرىدىكى زىيارىتى ھەققىدە TRT گە بايانات بەردى.