bulghariye sayahetchilikte türkiye aldin ehmiyet béridu

türkiye awazi radiyosi xewiri: bulghariye sayahet ministiri ilin dimitrow «inwést bulghariye agéntliqi» teripidin istanbulda ötküzülgen «xelqara soda-sanaet we sélinma munbiri» ge qatniship söz qildi.

u: «türkiye, bulghariyening sayahetchilik saheside aldin ehmiyet béridighan shérik döliti. biz türlük qiyinchiliqlar bolsimu, ikki terep munasiwetlirining ehmiyitini téximu konkrét halgha ekilimiz» dédi.

u bulghariye-türkiye arilashma sayahet komitétining 4-qétimliq yighinini ikki heptidin kéyin yene istanbulda ötküzidighanliqlirini bildürüp: «türkiye yéqinqi yillarda bulghariyege kelgen sayahetchiler sanida üchinchi orunda turmaqta. bu reqemler bazarning nahayiti dinamik ikenlikini körsitip béridu. buningda, muhim tereqqiyat yoshurun küchining barliqigha diqqet qilish nahayiti muhim ehmiyetke ige» dédi.

u féwraldin (2023) tartip bulghariyening türkiyede turushluq sayahet meslihetchisi bolidighanliqini bildürdi.