rusiyelikler bilen ukrainaliqlarning türkiyedin öy sétiwélish nisbiti ashti

rusiye-ukraina urushi ikki dölet puqralirining türkiyedin sétiwalghan öy-zéminlerning köpiyishide ipadilendi.

1921382
rusiyelikler bilen ukrainaliqlarning türkiyedin öy sétiwélish nisbiti ashti

türkiye awazi radiyosi xewiri: yanwar éyidin noyabirghiche (2022) bolghan mezgilde türkiyede chet elliklerge sétilghan öy sani, ötken yilning (2022) oxshash mezgilige sélishturulghanda 10 ming 389 yürüsh éship 61 ming 741 ge yetken. buningda rusiye bilen ukraina puqralirining türkiyedin sétiwalghan öy sani bu mezgilde 10 ming 608 yürüsh köpeygen.

24-féwral (2022) ukraina-rusiye urushining bashlinishi bilen, ikki dölet puqralirining türkiyedin sétiwalghan öy sanining téz sürette éshishi diqqet qozghidi.

rusiyelikler urush bashlanghan féwralda türkiyedin 509 yürüsh öy sétiwalghan. urushning dawamlishishigha egiship öy sétish süritimu ashqan bolup, iyun éyigha kelgende 1887 yürüshke chiqqan. kéyinki aylarda öy sétish süritide astilash körülgen bolsimu, emma yil axirining yéqinlishishi bilen qaytidin tézleshken we noyabirda 2 ming 575 ke yetken.

oxshash mezgilde, ukraina puqraliri sétiwalghan öy sanidimu éshish körülgen. féwralda ukrainaliqlar türkiyedin 111 yürüsh öy sétiwalghan. iyun éyida bolsa, eng yuqiri san bolghan 301 yürüshke yetken. kéyinki aylarda dolqunsiman dawamlashqan bolup, noyabirda 277 ge örligen.



مۇناسىۋەتلىك خەۋەرلەر