rusiye: xitay bilen bolghan sodida yerlik pullarni ishlitish nisbiti ashti

rusiye bash ministiri mixayil mishustin, xitayni néfit, tebiiy gaz we kömür bilen teminlesh miqdarining ashurulghanliqini bayan qilip: «sodimizning yérimini dégüdek dölet pullirimiz bilen qilishimiz intayin muhim» dédi.

1914938
rusiye: xitay bilen bolghan sodida yerlik pullarni ishlitish nisbiti ashti

türkiye awazi radiyosi xewiri: mishustin xitay bash ministiri li kéchyangmu ishtirak qilghan ikki dölet hökümet bashliqlirining 27-qétimliq sin yighini toghrisidiki sözi jeryanida, rusiyening xitaygha qiliwatqan énérgiye éksportining miqdarini ashurghanliqini tilgha élip: «tebiiy gaz, néfit we kömür bilen teminlishimiz künséri éshiwatidu. xitayda rusiyening ishtirak qilishi bilen séliniwatqan yadro éléktir istansisi qurulushlirimu dawamlashmaqta. biz nöwettiki toxtamlardiki barliq mejburiyetlerning orundilishigha kapaletlik qilip, bu sahediki yéngi chong türlerge kirishke teyyarmiz» dédi.

u, ikki dölet otturisidiki sodilarda her ikki döletning yerlik pullirini ishlitish nisbitiningmu ashqanliqini tekitlep: «sodimizning yérimini dégüdek dölet pullirimiz bilen qilishimiz intayin muhim. bu xil chiqimlar choqum sodida yétekchi orunda turushi kérek. bu köp qutupluq dunyaning asasliq iqtisadiy we pul-muamile siyasitining logikisi» dédi.

mishustin, her xil cheklimilerge qarimay, rusiye bilen xitay otturisidiki soda miqdarining bu yilning aldinqi 10 éyida 150 milyard dollargha yéqinlashqanliqini sözlirige ilawe qildi.


خەتكۈچ: #uyghurche , #pul , #xitay , #rusiye

مۇناسىۋەتلىك خەۋەرلەر