русийә газ експортиниң төвәнлигәнликини етирап қилди

түркийә авази радийоси хәвири: русийә енергийә ширкити газпром тәбиий газ експортиниң йанвар-өктәбир мәзгилидә өткән йилниң (2021) охшаш мәзгилигә селиштурулғанда %42.6, ишләпчиқириш миқдариниң %18.6 азайғанлиқини билдүрди.

газпромниң бу һәқтики байанатида билдүрүлишичә, ширкәтниң 10 айлиқ тәбиий газ ишләпчиқириш миқдари өткән йилниң (2021) охшаш ейиға селиштурулғанда %18.6 азийип 344 милйард куб метирға төвәнлигән. бу мәзгилдә ширкәтниң мустәқил дөләтләр бирләшмә гәвдисидин башқа дөләтләргә тәбиий газ експортиму өткән йилниң охшаш мәзгилигә селиштурулғанда %42.6 азийип 91.2 милйард куб метирға чүшкән.

байанатта, йавропадики йәр асти тәбиий газ искилатлириниң толуш нисбитиниң йуқири болушиниң, қиш пәслини бихәтәр һалда өткүзүшни капаләткә игә қилмайдиғанлиқи әскәртилди.

байанатта йәнә, тәбиий газға болған тәләпниң йилниң 10 ейида 40 милйард куб метирдин артуқ төвәнлигәнлики, йавропа иттипақи билән әнглийәниң 40 милйард куб метирлиқ тәләпниң азийишида %95 һәссисиниң барлиқи билдүрүлди.