дунйа банкиси башлиқи йавро райониниң иқтисадий турғунлуққа дуч келиш хәвпи барлиқини ейтти

дунйа банкиси башлиқи дейвид малпас йавропа пул бирлики йаврониң аҗизлишиши вә йуқири пул пахаллиқиниң йавропа чоң қуруқлуқидики иқтисадий чекиниш еһтималлиқини ашурувәткәнликини оттуриға қойди.

1886410
дунйа банкиси башлиқи йавро райониниң иқтисадий турғунлуққа дуч келиш хәвпи барлиқини ейтти

түркийә авази радийоси хәвири: дейвид малпас станфорд университетида өткүзүлгән бир паалийәттә сөз қилип, дунйаниң арқа – арқидин йүз бәргән бир қатар киризисларға дуч кәлгәнликини, дунйа үчүн әң тәхирсиз хәвпниң йәр шари иқтисадидики гәвдилик астилашниң йәр шари характерлик иқтисадий чекинишкә айлиниш икәнликини тилға елип, тәрәққий қиливатқан нурғун дөләтләрниң йуқумдин илгирики мәзгилдики киши бешиға тоғра келидиған кирим сәвийәсигә йетәлмигәнликини илгири сүрди.

у, америка иқтисадиниң бу йилниң алдинқи икки пәслидә чекингәнликини әскәртип, ковид-19 ға қарши карантин қилиш тәдбирлири сәвәбидин хитай иқтисадиниң ешиш сүритиниңму астилиғанлиқини әскәртти.

йавропаниң болса, русийәниң украинаға уруш ечиши билән бирликтә енергийә баһасиниң туйуқсиз өрлишигә дуч кәлгәнликини көрситип өткән дейвид малпас: «йаврониң аҗизлиқи вә пул пахаллиқиниң йуқири болуши йавропада иқтисадниң чекиниш еһтималлиқини ашурди һәмдә йавро райониниң узун муддәтлик тәрәққийат көрсәткүчиниму чәкләп қойди» деди.

малпас, тәрәққий қиливатқан дөләтләрниң тәрәққий тапқан дөләтләрдики пул пахаллиқи, иқтисадий ешиш сүритидики астилаш, ишләпчиқириш үнүминиң төвән болуши, йәр шари енергийә байлиқиниң хориши вә йуқири өсүм нисбәтлиригә охшаш йүзлинишләрниң 2023 – йилидин кейинму давамлишиш хәвпигә дуч кәлгәнликини билдүрди.

у, йәр шари енергийә ишләпчиқиришида русийәгә беқиниш нисбитиниң төвәнлишигә бир қанчә йил вақит кетиши мумкинликини, буниң турақсизлиқ хәвпи йаки төвән иқтисадий ешиш вә йуқири пул пахаллиқи дәврини узартиветиши мумкинликини оттуриға қойди.



مۇناسىۋەتلىك خەۋەرلەر