G7 rusiye néfiti toghrisida muhim qarar chiqardi
dunyada eng tereqqiy qilghan yette döletning(G7) maliye ministirliri, rusiye néfitining eng yuqiri bahasini békitip ijra qilish pilanini testiqlighanliqlirini élan qildi.
1875286
türkiye awazi radiyosi xewiri:amérika, engliye, kanada, yaponiye, firansiye, italiye we gérmaniyedin teshkil tapqan G7 dölet guruhining maliye ministirliri, gérmaniyede ötküzülgen yighinni axirlashturup ortaq bayanat élan qildi.
bayanatta, bügün (2-séntebir) 22-féwraldin (2022) tartip dawamlishiwatqan ukraina-rusiye urushi we dunya iqtisadigha körsetken tesirige birlikte qarshi turushni muzakire qilish üchün yighin échilghanliqi, G7 dölet guruhining ukrainani qollashni kapaletke ige qilish mesiliside qetiy qarargha ige ikenliki tekitlendi.
bayanatta, iyun éyida (2022) échilghan G7 dölet guruhida chiqirilghan qararlargha emel qilinidighanliqi, shunga rusiyening xam néfiti we néfit mehsulatlirigha baha békitip ijra qilish pilanining testiqlanghanliqi bildürüldi.
bayanatta, rusiyening kirimini we ukraina urushini meblegh bilen teminlesh iqtidarini töwenlitishning meqset qilinghanliqi eskertilgen bayanatta mundaq déyildi:
«yawropa ittipaqining rusiyege qarshi altinchi émbargo pilanigha munasiwetlik tedbirlerning waqit jedwéli bilen, mezkur ijra qilish pilanini maslashturushni meqset qilimiz.»
bayanatta yene, zörür tépilghanda, rusiye néfit mehsulatlirining eng yuqiri baha sewiyesining qaytidin közdin kechürülidighanliqi tekitlendi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
