lufxansaning uchquchiliri ish tashlashqa teyyarlandi

türkiye awazi radiyosi xewiri:gérmaniye uchquchilar uyushmisi wéaynigong kokpit (Vereinigung Cockpit) uchquchilarning ish tashlaydighanliqi toghrisida bayanat élan qildi.

bayanatta, yawropadiki eng chong hawa yolliri shirkiti bolghan lufxansa uchquchilirining«maashlirining östürülüshi» ni telep qilip ötküzülgen uchrishishlarning netijisiz ayaqlashqanliqi, shuning üchün uchquchilargha ish tashlash chaqiriqining qilinghanliqi qeyt qilindi.

bayanatta, ish tashlashning 2-séntebir (2022) shu yer waqti 00.01 din 23.59 ötkiche bolidighanliqi eskertildi.

uchquchilar uyushmisi ish tashlash arqiliq lufxansa uchquchilirining maashlirining östürülüshi üchün yéngi belgilime chiqirilishini nishan qiliwatqan bolup, bu yil (2022) üchün uchquchilar maashining %5.5 östürülüshini, kéler yildin bashlap aptomatik halda pul paxalliqi sewiyeside bolushini telep qilmaqta.

wuxen wirusi (Kovid-19) mezgilide toxtap qélish nuqtisigha kelgen lufxansaning qaytidin téz eslige kélishni bashtin kechürüwatqan peytlerde, xizmetchilerning yétishmeslik mesilisi we ish tashlash heriketlirige duch kélishi alahide diqqet tartmaqta.