pakistan: türkiye bilen soda omumiy sommimiz ashidu
pakistan bash ministiri shahbaz shérif mushu ay hasil qilinghan tawar soda kélishimining sayisida türkiye bilen bolghan soda omumiy sommisining ashidighanliqini éytti.
türkiye awazi radiyosi xewiri: pakistan radiyosining xewer qilishiche, türkiyening islamabad bash elchisi mehmet pachaji bashchiliqidiki soda heyiti, paytext islamabadtiki bash ministirliq mehkimiside, shahbaz shérif teripidin qobul qilinghan.
shérif, qobulda, pakistan bilen türkiyening dostane munasiwetlerge ige döletler ikenlikini eskertken, hemde ikki döletning, soda, sélinma, énérgiye we uchur - alaqe saheliride munasiwetlirini yenimu yüksek sewiyege yetküzüshni xalaydighanliqini tekitligen.
yéqinda imzalanghan tawar soda kélishimining tawar, mulazimet we meblegh sélish jehette yéngi yollarni barliqqa keltüridighanliqini tekitligen shérif, bu kélishim sayisida islamabad bilen enqere otturisidiki soda omumiy sommisining ashidighanliqini qeyt qilghan.
türkiye soda heyitimu türkiyelik karxanichilarning, pakistanning énérgiye sahesige meblegh sélishni xalaydighanliqini bildürgen.
bash ministir shérif, hökümitining bu heqte türkiyelik karxanichilargha qolayliq yaritip béridighanliqini eskertken.
türkiye bilen pakistan otturisida, 12 – awghust küni tawar soda kélishimi imzalanghanidi.
kélishim dairiside, türkiye pakistangha 261 xil mehsulatta imtiyazliq hoquqi béridiken, hemde bu mehsulatlarning 123 din qoshulma qimmet béji almaydiken.
buning bedilige, pakistanmu 130 mehsulatta türkiyege tamozhna béji jehettin imtiyazliq hoquqi béridiken.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
