aljiriyedin istanbulgha qatnaydighan nöwetchi ayropilanlarning sani köpeytildi
aljiriyedin istanbulgha qatnaydighan heptilik nöwetchi ayropilanlarning omumiy sani eslidiki 7 din 14 ke chiqirildi.
türkiye awazi radiyosi xewiri: aljiriye qatnash ministirliqining yazma bayanatigha asaslanghanda, paytext aljiriyedin bashqa yene, annaba, konstantin we wahran (oran) qatarliq sheherlerdin istanbulgha qatnaydighan heptilik nöwetchi ayropilanlarning omumiy sani eslidiki 7 din 14 ke chiqirilghan.
bu qedemning pirézidént abdulmejid tébbunning awiatsiye tiransportini tereqqiy qildurush qarari dairiside tashlanghanliqi tekitlengen bayanatta yene, tunis we qatargha uchidighan ayropilanlarningmu köpeytilgenliki bildürülgen.
bayanatta, aljiriyedin pil chishi qirghiqi, burkina faso, nigér we maligha uchidighan ayropilanlarning retke sélinidighanliqi we sénégalgha qoshumche ayropilan orunlashturulidighanliqi uqturulghan.
pirézidént abdulmejid tébbun 31 - iyuldiki bayanatida, türkiyening aljiriyediki eng muhim meblegh salghuchilarning birsi ikenlikini tekitlep, ikki dölet otturisidiki munasiwetlerning ortaq tarixiy rishtilerning namayendisi ikenlikini bildürgen idi.
