русийә нефитини украина арқилиқ йавропаға йәткүзүш тохтитилди

русийә нефит туруба йоли тиҗарити билән шуғуллинидиған «транс нефит» ширкити байанат елан қилип, русийә нефитини украина арқилиқ йавропаға йәткүзүш мулазимитиниң тохтитилғанлиқини уқтурди.

1865671
русийә нефитини украина арқилиқ йавропаға йәткүзүш тохтитилди

түркийә авази радийоси хәвири: русийә нефит туруба йоли тиҗарити билән шуғуллинидиған «транс нефит» ширкити йазма байанат елан қилип, русийә нефитини украина арқилиқ венгирийә, силовакийә вә чехийәгә йәткүзидиған друҗба линийәсиниң җәнуб тармиқи үчүн «укртранснафта» ширкитигә алдин пул төләш керәкликини оттуриға қойди.

байанатта, укртранснафтаға әң ахирқи қетим алдин тапшурулған мәбләғниң транс нефит ширкитигә қайтурулғанлиқиға даир учурларға орун берилгән байанатта, алдин тапшурушниң йавропа иттипақи йолға қойған җазалар сәвәбидин ишқа ашурулалмиғанлиқиға ишарәт қилип өтүлди.

байанатта, укртранснафта ширкитигә тегишлик мәбләғ тапшурулмиғачқа,  ширкәтниң транс нефтни нефит билән тәминләшни тохтатқанлиқи, шуңа русийә нефитини украина арқилиқ венгирийә, силовакийә вә чехийәгә йөткәшниң 4-авғустқичә тохтиғанлиқи әскәртилди.

байанатта йәнә, ширкәтниң друҗба линийәсиниң башқа тармақлиридики нефит йәткүзүш мәшғулатиниң давамлишиватқанлиқи, беларусийә арқилиқ полша вә германийәгә нефит йәткүзүштиму мәсилә йоқлуқи җәзмләштүрүлди.



مۇناسىۋەتلىك خەۋەرلەر