yette dölet guruhi: rusiyening néfit bahasidin zor kirim yaritiwélishining aldini alimiz
tereqqiy tapqan yette dölet guruhi (G7) bilen yawropa ittipaqi aliy wekaletxanisi, rusiyening yuqiri énérgiye bahasidin zor kirim yaritiwélishining aldini élish charilirini muzakire qildi.
türkiye awazi radiyosi xewiri: yette dölet guruhigha eza döletlerning tashqi ishlar ministirliri bilen yawropa ittipaqi aliy wekilining uchrishishidin kéyin yazma bayanat élan qilindi؛ engliye tashqi ishlar ministirliqi teripidin jamaetchilikke élan qilinghan bayanatta: «rusiyening déngiz yoli arqiliq toshulidighan xam néfiti we néfit mehsulatliri xelqaraliq shérikler teripidin békitlidighan baha yaki uningdin töwen bahada sétiwélinmighan teqdirde, u mehsulatlarni toshushqa alaqidar dunya miqyasidiki barliq mulazimetlerni omumyüzlük chekleshni oylishiwatimiz» dégen ibarilerge orun bérildi.
bayanatta yene: «biz bu we bashqa tallashlar üstide bash qaturghanda, eng ajiz we (énérgiye bahasining) eng éghir tesirige uchrighan döletlerning, rusiyeni öz ichige alghan énérgiye bazarlirigha kirishini kapaletke ige qilish üchün, cheklesh tedbirlirimu nezerge alimiz» déyildi.
yette dölet guruhi amérika, kanada, firansiye, gérmaniye, engliye, italiye we yaponiye qatarliq döletlerdin terkib tapidu.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
