түркийә бу йилниң дәсләпки 6 ейида қошна дөләтләргә мал експорт қилишта рекорт йаратти

түркийәниң бу йил 1-айдин 6-айғичә болған арилиқта булғарийә, грузийә, ирақ, иран, сүрийә вә гретсийә қатарлиқ қошна дөләтлиригә қилған експорти алдинқи йилиниң охшаш мәзгилигә селиштурғанда 25.4% ешип, 11 милйард 400 милйон долларға йәтти.

1852673
түркийә бу йилниң дәсләпки 6 ейида қошна дөләтләргә мал експорт қилишта рекорт йаратти

түркийә авази радийоси хәвири: түркийә сода министирлиқи вә түркийә експортчилар мәҗлисиниң санлиқ мәлуматлириға асасланғанда, йилниң алдинқи 6 айдики експорт нисбити алдинқи йилиниң охшаш мәзгилигә селиштурғанда %20 ешип 126 милйард долларға йәткән вә түкийәниң қошнилири билән ташқи содиси алаһидә йуқири көтүрүлгән.

түркийә 1-айдин 6-айғичә болған мәзгилдә булғарийә, грузийә, ирақ, иран, сүрийә вә гретсийәгә 11 милйард 448 милйон 927 миң долларлиқ мал експорт қилған.

бу сомма миқдари алдинқи йилиниң охшаш мәзгилидә 9 милйард 131 милйон 940 миң доллар болған иди.

шундақ қилип мәзкур дөләтләргә қилинған експорт нисбити йилниң дәсләпки 6 ейида, алдинқи йилдикигә селиштурғанда%25.4 ашқан.

бу мәзгилдә әң йуқири експорт 4 милйард 837 милйон 698 миң доллар билән ираққа қилинған.

ирақтин қалсила булғарийә 2 милйард 265 милйон 144 миң доллар билән иккинчи, гретсийә 1 милйард 558 милйон 737 миң доллар билән үчинчи, иран 1 милйард 159 милйон 680 миң доллар билән төтинчи, грузийә 897 милйон 740 миң доллар билән бәшинчи, сурийә 729 милйон 928 миң доллар билән алтинчи болған.

бу мәзгилдә һәр қайси дөләтләргә қилиниватқан експортниң йилсери ешиватқанлиқи көрилгән.

әң көп ешишта %39.1  билән булғарийә биринчи, % 37.6 билән грузийә иккинчи вә 24.1% билән ирақ  үчинчи болған.

 



مۇناسىۋەتلىك خەۋەرلەر