түркийә айлиқ експортта уда алтинчи қетим рекорт йаратти

сода министири мәһмәт муш, түркийәниң 6-айда айлиқ експортниң тарихтики әң йуқири сәвийәгә йәткәнликини билдүрди.

1851032
түркийә айлиқ експортта уда алтинчи қетим рекорт йаратти

түркийә авази радийоси хәвири: түркийә сода министири мәһмәт муш, әрзурум шәрқий анадолу експортчилар уйушмисиниң ечилиш мурасимида, ийун ейиға мунасивәтлик ташқи шода санлиқ мәлуматлирини елан қилип, 6-айда айлиқ експортниң тарихтики әң йуқири сәвийәгә йәткәнликини билдүрди.

министир муш, түркийәниң експортта 2021 - йили қолға кәлтүргән мувәппәқийитини 2022-йилиниң алдинқи 6 ейидиму давамлаштурғанлиқини билдүрүп: «арқимизда қалдурған ийун ейида експортимиз експортимиз 23 милйард 400 милйон долларға йетип, бултурқиниң охшаш мәзгилигә селиштурғанда %18.5 ашти. мән хушаллиқ билән шуни демәкчимәнки, бу тарихтики әң йуқири айлиқ екиспорт санлиқ мәлумати болуп һесаблиниду. шундақ қилип, биз 2022-йилиниң алдинқи 6 ейиниң һәммисидә айлиқ әң йуқири експорт қиммити йаратқан болдуқ. бу йилниң алдинқи 6 ейида дөлитимиз җәмий 126 милйард долларлиқ мәһсулат експорт қилди» дегәнләрни қәйт қилди.

6-айдики импортниң 31 милйард 600 милйон доллар икәнликини тилға алған муш, « бу айлиқ импортта муһим орунни тутқан енергийә түриниң үлүши 8 милйард 100 милйон долларға йәтти» дегәнләрни сөзлиригә илавә қилди.



مۇناسىۋەتلىك خەۋەرلەر