kirodiye 2023-yili yawroni pul birliki qilip ishlitishni bashlaydu

türkiye awazi radiyosi xewiri: yawro guruppisining bashliqi we irélandiye maliye ministiri paschal donoxo yawropa ittipaqi maliye ministirlirining liyuksémburgda ötküzgen yawro guruppisi yighinidin kéyin, bayanat élan qildi.

u kirodiye iqtisadining yawrogha qétilish üchün zörür shertlerni hazirlighanliqini bildürüp, yawropa komitéti we yawropa merkiziy bankasining doklatlarni memnunluq bilen qobul qilghanliqini eskertti.

u: «yawro guruppisi bolush süpitimiz bilen, kirodiyening yawro ailimizning 20-ezasi bolushini tewsiye qilduq. kirodiyening 2023-yili 1-yanwardin bashlap yawropa pul birlikini ishlitishke ötüshini kütimiz» dédi.

kéler hepte bélgiye paytexti biryussélda ötküzülidighan yawropa ittipaqi bashliqlar yighinida, kirodiyening yawro pul birlikini ishlitishke ötüshining testiqlinishi kütülmekte.

yawro rayoni heqqide

gérmaniye, firansiye, italiye, ispaniye, gollandiye, awstiriye, bélgiye, finlandiye, irélandiye, liyuksémburg we portugaliye qatarliq döletler 1999-yili yanwarda yawroni pul birliki qilishni bashlighan bolup, yawro we yawro tenggiliri bazargha chiqirilghan idi.

deslepte 11 dölet ortaq pul qilip ishletken yawro, 2001-yili girétsiye, 2007-yili silowéniye, 2008-yili jenubiy qibris rum hakimiyiti, 2009-yili malta we silowakiye, 2011-yili éstoniye, 2014-yili latwiye, 2015-yili litwaniye teripidin pul birliki süpitide qobul qilindi.

yawro dollardin qalsila dunyada eng köp ishlitilidighan pul birliki dep qarilidu.