baydin néfit shirketlirini néfit ishlepchiqirishni ashurushqa chaqirdi
amérika qoshma ishtatliri pirézidénti jo baydin dölette bénzin bahasining rékort sewiyede örlep kétish mesilisini hel qilish üchün néfit shirketlirini néfit ishlepchiqirishni ashurushqa chaqirdi.
türkiye awazi radiyosi xewiri: amérika pirézidénti jo baydin amérika qoshma ishtatliridiki eng chong néfit bilen teminligüchi shirketlerdin ExxonMobil , Chevron , BP we Shell qatarliq shirketlerge xet yazdi.
rusiye – ukraina urushi bashlanghan 24 – féwraldin buyan, amérika qoshma ishtatliridiki bénzin bahasining her gallonining otturiche bahasining 1.70 dollar ösüp ketkenlikini eskertken baydin, «amérika xelqi bashtin kechürüwatqan iqtisadiy qiyinchiliqlarning jawabkarining rusiye prézidénti wladimir putin ikenlikini» ilgiri sürdi.
u, bu jeryanda néfit ayrish zawutlirining payda nisbitining rékort sewiyede éshishining xelq ammisigha bolghan iqtisadiy bésimni kücheytiwetkenlikini tekitlep mundaq dédi: «shirkitinglarning hazirmu jiddiy tedbir qollinip, néfit, dizél we bashqa néfit ayrish zawutlirining ishlepchiqirish we néfit bilen teminleshni ashurush pursiti bar.»
baydin xétide, pat yéqinda néfit ayrish zawutlirining iqtidarini ashurush üchün barliq fédératsiyelik hoquqlirini jari qilduridighanliqlirini bayan qildi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.