русийә голландийәни газ билән тәминләшни тохтатти
голландийә дөләтлик газ ширкити гастерра (GasTerra) газ пулини рубле билән төләшни рәт қилғанлиқи үчүн русийә газпром ширкити (Gazprom) 31-майдин (2022) башлап голландийәни тәбиий газ билән тәминләшни тохтитидиғанлиқини елан қилди.
түркийә авази радийоси хәвири: голландийә дөләтлик газ ширкити гастерра русийә газпром ширкитиниң бүгүндин башлап голландийәни тәбиий газ билән тәминләшни тохтитидиғанлиқини елан қилди.
гастерра ширкитиниң бу һәқтики байанатида, русийәниң йавропа иттипақиға әза дөләтләрдин газпром банкасидин йавро вә рубле һесаби ечип, газ пули төләшни тәләп қилғанлиқи хатирилитилди.
гастерраниң буни рәт қилғанлиқи әскәртилгән байанатта: «бу хил усулда пул төләш малийә вә тиҗарәт хәвпи шундақла йавропа иттипақиниң җазасиға хилаплиқ қилиш хәвпини өз ичигә алиду. москвада русийә қануни бойичә һесабат ечиш вә бу һесабатни русийә һакимийитиниң контроллуқида қилиш ширкитимиз үчүн техиму чоң хәтәр һесаблиниду. бизниң бу хил усулда пул төләшни рәт қилғанлиқимизға қарита, <газпром> 31-майдин башлап тәбиий газ билән тәминләшни тохтитидиғанлиқини елан қилди» дейилди.
байанатта, газпромниң 31-майдин 1-өктәбиргичә (2022) болған тохтамниң муддити тошқичә газ билән тәминләшниң тохтитишиниң, 2 милйард куб метир тәбиий газниң сетивелинмайдиғанлиқидин дерәк беридиғанлиқи тәкитләнди.
гастерраниң бу тәрәққийатни алдин мөлчәрлигәнлики әскәртилгән байанатта йәнә мундақ дейилди: «йавропа тәбиий газ базири бир гәвдиләшкән кәң базар. 2 милйард куб метир тәбиий газниң кәм болуши еһтийаҗ тәминлишигә вә йавропа базириға қандақ тәсир көрситидиғанлиқини пәрәз қилиш қийин. гастерра бир қанчә қетим газпромни тохтамға асасән қобул қилинған пул төләш пиринсипи вә тәминләш мәсулийитигә бойсунушқа чақирди. әмма, бу карға кәлмиди.»
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.
