дөнмәз: йавуз бурғилаш парахоти наһайити муһим вәзипигә атлиниду

дөлитимиз (түркийә җумһурийити) енергийә вә тәбиий байлиқлар министири фатиһ дөнмәз, йавуз бурғилаш парахотиниң 4 - апрел қара деңизда наһайити һалқилиқ вәзипә өтәйдиғанлиқини билдүрди.

1799841
дөнмәз: йавуз бурғилаш парахоти наһайити муһим вәзипигә атлиниду

түркийә авази радийоси хәвири: қурулуши давамлишиватқан филйос тәбиий газ бир тәрәп қилиш орнидики хизмәтләрни тәкшүрүш үчүн зонгулдаққа барған министир дөнмәз, түрни назарәт қилиш ишханисида мунасивәтлик даириләр билән йепиқ йиғин ачти вә йиғиндин кейин байанат берип, һазирғичә тәхминән 8 қудуқниң бурғилаш мәшғулатиниң тамамланғанлиқини билдүрди.

қудуқ бурғилашниңла купайә қилмайдиғанлиқини, уни ишләпчиқиришқа мувапиқ һаләткә кәлтүрүш тәййарлиқлириниң давам қиливатқанлиқини билдүргән дөнмәз, сөзини давамлаштуруп: «нөвәттә йавуз бурғилаш парахотимиз портта (туруватиду). у  4- апрелдин башлап наһайити муһим бир вәзипигә атлиниду. бүгүн әтигән ғайәт зор йүк айропилани билән тунҗи қудуқимизниң бешиға орунлаштурулидиған <christmas tree> намлиқ су астидики  бесимни бир тәрәп қилидиған үскүнә түркийәгә йетип кәлди. иншааллаһ әң қисқа вақит ичидә уни филйосқа йөткәп, йавуз бурғилаш парахотимизға йөткәймиз вә қудуқимизниң бешиға апирип су астидики машина адәмләрниң йардими билән қураштуримиз. бу түрдә техника җәһәттиму дунйаниң әң илғар техникилирини ишлитимиз» дегәнләрни қәйт қилди.



مۇناسىۋەتلىك خەۋەرلەر