soda ministiri mush türkmenistanda ziyarette bolidu
soda ministiri mehmet mush soda – iqtisadiy munasiwetler heqqide muzakire élip bérish üchün türkmenistanning paytexti ashxabadta dölet ishliri ziyaritide bolidu.
türkiye awazi radiyosi xewiri: türkiye soda ishliri ministirliqining bildürüshiche, 25 – féwral küni ishqa ashurulidighan ziyaret dairiside, ministir mush, türkmenistan prézidénti gurbanguli berdimuhemedow bilen bir yerge jem bolidiken. shundaqla, türkmenistan ministirlar kéngishining muawin reisliri serdar berdimuhemedow bilen chari gilichow, qatnash we uchur - alaqe ishliri orginining bashliqi memmetxan chaqiyéw qatarliqlar bilen ayrim - ayrim körüshidiken.
ikki dölet otturisida diplomatik munasiwet ornitilip 30 – yiligha qedem qoyghanda élip bérilidighan ziyarette, türkiye – türkmenistan soda – iqtisad munasiwetliridin sirt yene, sélinma we höddigerlik mesililirimu muzakire qilinidiken.
bayanatta tekitlinishiche, türkiye – türkmenistan otturisidiki soda omumiy sommisi, 2021 – yili aldinqi yilning oxshash mezgildikige sélishturghanda % 53 lik éshish bilen 1.7 milyard dollargha, bu mezgilde, türkiyening türkmenistangha qilghan éksport soda sommisi 985 milyon dollargha, türkmenistandin qilghan import soda sommisi 711 milyon dollargha yetken.
türkiyening türkmenistangha salghan sélinmiliri 443 milyon dollar etrapida bolup, türkmenistanning türkiyege salghan meblighi 1 milyon dollardin ashqan.
türk höddigerler türkmenistanda hazirghiche 50 milyard dollar qimmitidiki 1061 layiheni öz üstige alghan.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
