хитай американи таможна баҗлирини әмәлдин қалдурушқа чақирди

хитай американи ташқи сода ихтилаплирини һәл қилиш үчүн имзаланған «биринчи басқучлуқ» келишимни иҗра қилиш җәрйанида, қошумчә таможна баҗлирини вә сода ембарголирини әмәлдин қалдурушқа чақирди.

1777054
хитай американи таможна баҗлирини әмәлдин қалдурушқа чақирди

түркийә авази радийоси хәвири: хитай сода министирлиқиниң байанатчиси гав фиң америка-хитай сода келишимини иҗра қилиш үчүн зөрүр тиришчанлиқларни көрсәткәнликлирини билдүрди.

у икки тәрәпниң сода саһәлиридә һәмкарлиқларни тәрәққий қилдурушиға йардәмчи болидиған муһит вә шәрт-шараитларни йаритиш керәкликини әскәртип, америкадин қошумчә таможна беҗи алмаслиқни вә ембарго йүргүзмәсликни тәләп қилди.

у биринчи басқучлуқ келишимниң, вухән вируси (Kovid-19), турғунлуқ вә тәминләш зәнҗиридә ақсашлар болушиға қаримай, дунйа иқтисадиға иҗабий тәсир қилғанлиқини әскәртип, келишимниң һәр икки тәрәпкә вә дунйаға пайдилиқ болғанлиқини қәйт қилди.

у хитайниң йеқинқи 40 йилда қолға кәлтүргән иқтисадий мувәппәқийәтлириниң ислаһат, сиртқа ишикни ечиветиш сийасәтлири билән базар игилики вә дөләтниң ролини үнүмлүк һалда бирләштүрүш нәтиҗисидә болғанлиқини әскәртип, бу мусапиниң пәқәт хитайниң тәрәққийатиғила әмәс, охшаш вақитта дунйа иқтисадий параванлиқиниң тәрәққийатиғиму һәссә қошқанлиқини сөзлиригә илавә қилди.

америка сабиқ пирезидент доналд трамп һөкүмити 2018-йили хитай билән болған қизил рәқәмни вә хитайниң риқабәткә хилап санаәткә йардәм қилиш сийасәтлирини илгири сүрүп, хитайдин импорт қилинған технологийәлик мәһсулатлардин қошумчә баҗ елишни йолға қойған иди.

хитайниң буниңға инкас қайтуруши билән, хәлқара җәмийәттә «сода уруши» дәп аталған өзара йеңи таможна баҗлири елан қилинған мусапә башланған иди.

америка билән хитай 2019-йилниң бешида «биринчи басқучлуқ» дәп аталған келишим билән пикир ихтилаплирини вақитлиқ тохтатқан иди. келишимниң түзүлүши билән, таможна баҗлирини өстүрүш кечиктүрүлгән вә хитай болса, американиң бәзи мәһсулатлирини сетивелиш тоғрисида вәдә бәргән иди.       



مۇناسىۋەتلىك خەۋەرلەر