türkiye-girétsiye otturisidiki soda omumiy sommisi 3 hesse ashti

türkiye-girétsiye birleshme iqtisad komitéti (KEK) ning 5-nöwetlik yighini türkiye muawin soda ministiri mustapa tuzju we girétsiye muawin tashqi ishlar ministiri kostantinos frangoyannisning ortaq riyasetchilikide afinada ötküzüldi.

1767752
türkiye-girétsiye otturisidiki soda omumiy sommisi 3 hesse ashti

türkiye awazi radiyosi xewiri: yighindin kéyin élan qilinghan birleshme yazma bayanatta, 2021-yili türkiye bilen girétsiye otturisidiki soda we iqtisadiy munasiwetlerning künséri küchiyiyishini dawamlashturush we hemkarliq pursetlirining köpeytilishi üchün bu yighinning muhim ehmiyetlik rol oynaydighanliqi bildürüldi.

uchrishishlardin kéyin imzalanghan türkiye-girétsiye birleshme iqtisad komitéti (KEK) 5-nöwetlik ehdinamisigha, her qaysi uchrishishlarda muzakire qilinghan ikki terep soda munasiwetliri, öz-ara sélinmilar, yawropa ittipaqi bilen bolghan küntertiptiki soda témiliri, bolupmu énérgiye, sayahet, déhqanchiliq, tamozhna, qatnash qatarliq nurghun sahelerde iqtisadiy we téxnikiliq hemkarliq imkaniyetliri yaritish mesililiri kirgüzüldi.

türkiye bilen girétsiye otturisidiki soda omumiy sommisi 2021-yili aldinqi yilgha sélishturghanda %69.2 éship, 5 milyard 200 milyon dollargha yetti.

türkiyening grétsiyege qilghan éksporti 2021-yili %73.3 ashti. türkiyening soda aktip balansi bolsa, texminen 1 milyard dollargha yetti. 2005-yildin buyan ikki dölet otturisidiki soda miqdari üch hesse ashti.


خەتكۈچ: #iqtisad , #girétsiye , #türkiye

مۇناسىۋەتلىك خەۋەرلەر