түркийә-гиретсийә оттурисидики сода омумий соммиси 3 һәссә ашти

түркийә-гиретсийә бирләшмә иқтисад комитети (KEK) ниң 5-нөвәтлик йиғини түркийә муавин сода министири мустапа тузҗу вә гиретсийә муавин ташқи ишлар министири костантинос франгойаннисниң ортақ рийасәтчиликидә афинада өткүзүлди.

1767752
түркийә-гиретсийә оттурисидики сода омумий соммиси 3 һәссә ашти

түркийә авази радийоси хәвири: йиғиндин кейин елан қилинған бирләшмә йазма байанатта, 2021-йили түркийә билән гиретсийә оттурисидики сода вә иқтисадий мунасивәтләрниң күнсери күчийийишини давамлаштуруш вә һәмкарлиқ пурсәтлириниң көпәйтилиши үчүн бу йиғинниң муһим әһмийәтлик рол ойнайдиғанлиқи билдүрүлди.

учришишлардин кейин имзаланған түркийә-гиретсийә бирләшмә иқтисад комитети (KEK) 5-нөвәтлик әһдинамисиға, һәр қайси учришишларда музакирә қилинған икки тәрәп сода мунасивәтлири, өз-ара селинмилар, йавропа иттипақи билән болған күнтәртиптики сода темилири, болупму енергийә, сайаһәт, деһқанчилиқ, таможна, қатнаш қатарлиқ нурғун саһәләрдә иқтисадий вә техникилиқ һәмкарлиқ имканийәтлири йаритиш мәсилилири киргүзүлди.

түркийә билән гиретсийә оттурисидики сода омумий соммиси 2021-йили алдинқи йилға селиштурғанда %69.2 ешип, 5 милйард 200 милйон долларға йәтти.

түркийәниң гретсийәгә қилған експорти 2021-йили %73.3 ашти. түркийәниң сода актип баланси болса, тәхминән 1 милйард долларға йәтти. 2005-йилдин буйан икки дөләт оттурисидики сода миқдари үч һәссә ашти.



مۇناسىۋەتلىك خەۋەرلەر