бу йил түркийәниң пистә екиспортида италийә, германийә вә хитай алдинқи орунға өтти

2021-йили түркийәниң пистә екиспорти алдинқи йилиға селиштурғанда %76 ешип, 209 милйон 686 миң долларға йәтти.

1766970
бу йил түркийәниң пистә екиспортида италийә, германийә вә хитай алдинқи орунға өтти

түркийә авази радийоси хәвири: шәрқий җәнубий анадолу експортчилар җәмийити (GAİB) ниң санлиқ мәлуматлириға асасланғанда, 2020-йили 118 милйон 923 миң долларлиқ пистә екиспорти қилинған. 2021-йили болса, експорт нисбити алдинқи йилдикигә селитурғанда, %76 ешип, 209 милйон 686 миң долларға йәткән.

өткән йили италийә, германийә, хитай, канада, португалийә, малайшийа, малта, тәйвән, маракәш, йапонийә, молдова, әнгилийә, куба вә русийә қатарлиқ 110 дөләткә 20 миң 322 тонна пистә екиспорт қилинған.

италийә түркийә әң көп пистә експорт қилидиған дөләтләрниң  алдинқи қатарида туриду.

түркийә өткән йили италийәгә 50 милйон 74 миң долларлиқ пистә експорт қилған.

түркийә әң көп пистә експорт қилған дөләтләр арисида италийәдин қалсила 33 милйон 627 миң доллар билән германийә иккинчи, 12 милйон 839 миң доллар билән хитай үчинчи болған.



مۇناسىۋەتلىك خەۋەرلەر