jibran basil: liwandiki énérgiye kirizisini türkiye hel qilalaydu

liwan xiristiyan erkin wetenperwerlik herikitining reisi we sabiq tashqi ishlar ministiri jibran basil, türkiyening liwanning énérgiye kirizisini hel qilishigha yardemchi bolalaydighanliqini otturigha qoydi.

1766023
jibran basil: liwandiki énérgiye kirizisini türkiye hel qilalaydu

türkiye awazi radiyosi xewiri: pirézidént mishél ewnning küyoghli bolghan basil, türkiye – liwan munasiwetliri toghrisida toxtaldi؛ u türkiyening bu rayondiki asasliq chong döletlerning biri ikenlikini tilgha élip: «biz menpeet ortaqliqigha ige bir rayonda yashawatimiz. türkiye shundaq bir döletki, biz intayin yaxshi munasiwet ornitishimiz kérek. derweqe, bizning bu xil munasiwitimiz bar, uni choqum qoghdishimiz kérek. bu liwan üchün intayin istratégiyelik (ehmiyetke ige mesile)» dégenlerni qeyt qildi.

liwanning ötken yildin buyan intayin éghir énérgiye kirizisini bashtin kechürgenlikini, türkiyening bolupmu «qayta hasil bolidighan» énérgiyede körünerlik tejribige ige ikenlikini eskertip ötken basil, sözini dawamlashturup: «pilanimiz dairiside, türkiye bu (énérgiye kirizisi) mesilisini hel qilalaydu... tok ishlepchiqiridighan türk paraxotlirini liwangha ekelgeniduq. ishlepchiqirish serpiyati nahayiti töwen idi. buning bilen birlikte, türkiyening xelqara sehnide bashqa döletler bilen riqabetlisheleydighanlighimu ishinimiz. liwanni énérgiye bilen teminlesh ramkisi jehette, türk shirketliri bashqa xelqaraliq shirketler bilen riqabetlishish iqtidarigha ige. bu qayta hasil bolidighan énérgiye we bashqa sahelernimu öz ichige alidu. shundaq, biz hemkarlishishimiz kérek» dédi.


خەتكۈچ: #uyghurche , #türkiye , #liwan

مۇناسىۋەتلىك خەۋەرلەر