җибран басил: ливандики енергийә киризисини түркийә һәл қилалайду

ливан хиристийан әркин вәтәнпәрвәрлик һәрикитиниң рәиси вә сабиқ ташқи ишлар министири җибран басил, түркийәниң ливанниң енергийә киризисини һәл қилишиға йардәмчи болалайдиғанлиқини оттуриға қойди.

1766023
җибран басил: ливандики енергийә киризисини түркийә һәл қилалайду

түркийә авази радийоси хәвири: пирезидент мишел әвнниң күйоғли болған басил, түркийә – ливан мунасивәтлири тоғрисида тохталди؛ у түркийәниң бу райондики асаслиқ чоң дөләтләрниң бири икәнликини тилға елип: «биз мәнпәәт ортақлиқиға игә бир районда йашаватимиз. түркийә шундақ бир дөләтки, биз интайин йахши мунасивәт орнитишимиз керәк. дәрвәқә, бизниң бу хил мунасивитимиз бар, уни чоқум қоғдишимиз керәк. бу ливан үчүн интайин истратегийәлик (әһмийәткә игә мәсилә)» дегәнләрни қәйт қилди.

ливанниң өткән йилдин буйан интайин еғир енергийә киризисини баштин кәчүргәнликини, түркийәниң болупму «қайта һасил болидиған» енергийәдә көрүнәрлик тәҗрибигә игә икәнликини әскәртип өткән басил, сөзини давамлаштуруп: «пиланимиз даирисидә, түркийә бу (енергийә киризиси) мәсилисини һәл қилалайду... ток ишләпчиқиридиған түрк парахотлирини ливанға әкәлгәнидуқ. ишләпчиқириш сәрпийати наһайити төвән иди. буниң билән бирликтә, түркийәниң хәлқара сәһнидә башқа дөләтләр билән риқабәтлишәләйдиғанлиғиму ишинимиз. ливанни енергийә билән тәминләш рамкиси җәһәттә, түрк ширкәтлири башқа хәлқаралиқ ширкәтләр билән риқабәтлишиш иқтидариға игә. бу қайта һасил болидиған енергийә вә башқа саһәләрниму өз ичигә алиду. шундақ, биз һәмкарлишишимиз керәк» деди.



مۇناسىۋەتلىك خەۋەرلەر