dunyada eng bay kishilerning mal-mülki ikki hesse köpeydi

türkiye awazi radiyosi xewiri: xelqara yardem teshkilati oksfam (Oxfam) élan qilghan doklatta qeyt qilinishiche, dunyadiki eng bay 10 kishi ige bolghan mal-mülükning, waba mezgilide ikki hesse köpeygen.

b b s ning xewiride bildürülishiche, oksfamning «barawersizlik öltüridu» namliq doklati, kembeghellerning sanida éshish bolghanliqini körsetken.

oksfamning engliyediki bashliqi danniy sriskandarajah (Danny Sriskandarajah) wuxen wirusi mezgilde ijra qilinghan tedbirler bilen sayahet we sodigha qoyulghan cheklimilerdin kéyin, 163 milyon kishining yoqsulluq chéki astida yashashqa bashlighanliqini éytti.

doklatta, dunyadiki eng bay 10 kishi, élon mask (Elon Musk), jéf bézos (Jeff Bezos), bérnard arnalt (Bernard Arnault), bil géyts (Bill Gates), lori élison (Larry Ellison), lori péyj (Larry Page), sérgéy brin (Sergey Brin), mark zukérbérg (Mark Zuckerberg), stéw balmér (Steve Ballmer) we worén bufét (WarrenBuffet) qatarliq kishilerning jemiy mal-mülki ikki hesse éship 1.5 tiriliyon dollardin ashqan.

sehiye xizmetlirining cheklik halgha kélishi netijiside, kilimat özgirishi seweb bolghan insaniy kirizislar we zorawanliqlar sewebidin, dunyada her töt sékuntta bir kishi jénidin ayrilghan.

doklatta, az tereqqiy qilghan döletlerdiki kembeghel kishilerning wuxen wirusi sewebidin ölüsh éhtimali töt hesse ikenliki eskertildi.

doklatta yene, 2019-yiligha sélishturulghanda, bu mezgilde xizmet qilidighan ayallar sanining 13 milyon kishi azayghanliqi we 20 milyondin artuq kichik qiz balining mektepke ewetilmeslik xetirige duch kelgenliki qeyt qilindi.