qirghizistan türk soda – sanaetchilerni meblegh sélish salmiqini ashurushqa chaqirdi

türkiye awazi radiyosi xewiri: qazaqbayéw, türkiye-qirghizistan soda - sanaetchiliri, medeniyet, hemkarliq we dostluq jemiyiti —TÜKİD qurulghanliqining birinchi yilliqi  munasiwiti bilen paytext bishkekte ötküzülgen tebriklesh paaliyitide, qirghizistandiki türk soda – sanaetchiliri sanining yéterlik emeslikini otturigha qoyup: «biz yéngi soda - sanaetchilerni qobul qilishqa her waqit teyyarmiz. tashqi ishlar ministiri barliq mesililerni hel qilalmaydu. emma biz ministirliqtiki etritimiz bilen bille silerni qollashqa, siler yoluqqan mesililerni qisqa waqit ichide hel qilishqa tirishimiz» dédi.

meblegh sélish ishliri ministiri nuradil bayasowmu türkiyening xitaydin qalsila qirghizistangha eng köp meblegh salghan döletke aylanghanliqini, 300 din artuq türk soda – sanaetchining qirghizistanning nurghun jaylirigha meblegh salghanliqini tilgha aldi.

türkiyening bishkekte turushluq bash elchisi ahmet sadiq doganmu türkiye bilen qirghizistan otturisidiki qoyuq özara ziyaretlerning, diyalog we istratégiyelik hemkarliqlar tereqqiyatidiki eng chong körsetküch ikenlikini éytti.

u, türkiyening qirghizistan manas uniwérsitéti we maarif fondi jemiyiti bilen qirghizistanning maarip sahesidiki eng chong meblegh salghuchigha aylanghanliqini sözlirige ilawe qildi.