türkiyedin 83 döletke 125 milyon dollarliq gül éksport qilindi

türkiye awazi radiyosi xewiri: antalya, izmir,  sakarya, isparta we her qaysi sheherlerde östürülgen güller chet ellerning zor telipini qandurmaqta. bularning ichide antalyadin chet ellerge éksport qilinghan güller %65 ni igileydu.

zinnet ösümlük mehsulatliri éksportchilar jemiyitining reisi ismail yilmaz yuqum mezgilidimu mezkur sahening téz tereqqiy qiliwatqanliqini bildürdi.

u bu yilliq (2021) éksport nishanini 115 milyon dollar qilip békitkenliklirini eskertip: «bügüngiche, biz 125 milyon dollar etrapida éksport qilduq. méningche yil axirighiche 150 milyon dollardin éship kétimiz. bu éksportimizning %55-50 ashqanliqidin dérek béridu» dédi.

u bolupmu yawropada zor qiziqishning barliqini, 83 döletke gül ewetkenliklirini, buning ichide, gollandiye, engiliye, gérmaniye, özbékistan , ruméniye we bulghariye qatarliq döletlerning aldinqi qatarda turidighanliqini éytti.

u yuqum mezgilide gül éksport qilinghan döletlerning sanida we gül éksport miqdarida köpiyish bolghanliqini qeyt qildi.