әрдоған түркийә - африқа иқтисад вә сода мунбири тоғрисида учур һәмбәһрилиди

җумһур рәис рәҗәп таййип әрдоған: «африқида ишикини чәкмигән дост, җараһитигә мәлһәм болмиған көңүл, һәмкарлиқ орнатмиған дөләт қоймаймаватимиз, қоймаймиз» деди.

1723809
әрдоған түркийә - африқа иқтисад вә сода мунбири тоғрисида учур һәмбәһрилиди

түркийә авази радийоси хәвири: әрдоған өзиниң иҗтимаий таратқудики адресида түркийә-африқа иқтисад вә сода мунбири һәққидә учур һәмбәһрилиди.

җумһур рәис әрдоған учурида: «бүгүн (түнүгүн) үчинчи қетимлиқини өткүзгән түркийә-африқа иқтисад вә сода мунбиримизниң дөлитимиз үчүн йахшилиқларға васитә болушини үмид қилимән. африқида ишикини чәкмигән дост, җараһитигә мәлһәм болмиған көңүл, һәмкарлиқ орнатмиған дөләт қоймайватимиз, қоймаймиз» дегән ибариләргә орун бәрди.

учурида бир дийаграммиғиму орун бәргән әрдоған, өзиму сөз қилған түркийә – африқа иқтисад вә сода мунбиригә 45 дөләтниң вәкиллириниң иштирак қилғанлиқини әскәртти.

у, африқаниң түркийә билән болған содида игилигән нисбитиниң %6.5 икәнликигә ишарәт қилип өтти.

түркийә – африқа иқтисад вә сода мунбири даирисидә африқа әркин сода райони, селинма, йеңилиқ йаритиш, банкичилиқ, сәһийә вә айаллар рәһбәрлики темилирида йиғинларниң өткүзүлгәнликини билдүргән әрдоған, сөзини давамлаштуруп: «африқа әллириниң әмәлдарлири билән сода – санаәт дунйасиниң вәкиллирини өзара учраштурған G2B йиғинлири билән  хусусий саһәниң вәкиллирини бир йәргә җәм қилған B2B йиғинлири ечилди. <түркийә - африқа шериклик мунасивитини чоңқурлаштуруш: сода, мәбләғ селиш, техника вә әшйа обороти> дегән темида министирлар йиғини ечилди» дегәнләрни қәйт қилди.



مۇناسىۋەتلىك خەۋەرلەر