maliye ministirliqi, maliye herikiti xizmet guruppisining türkiye qararigha inkas qayturdi

türkiye xezine we maliye ministirliqi, maliye herikiti xizmet guruppisi — FATF ning ke özgertish kirgüzüshige qarita ipade bildürdi.

1723341
maliye ministirliqi, maliye herikiti xizmet guruppisining türkiye qararigha inkas qayturdi

türkiye awazi radiyosi xewiri: türkiye xezine we maliye ministirliqi, maliye herikiti xizmet guruppisi — FATF ning <külreng tizimlik>ke özgertish kirgüzüshige ipade bildürüp: «maslishish üchün körsitilgen tirishchanliqlargha qarimay, dölitimizning külreng tizimlikke kirgüzülüshi naheqchiliktur» dégenlerni qeyt qildi.

türkiye xezine we maliye ministirliqining bayanatida,  maliye herikiti xizmet guruppisining jinayi qilmish kirimlirining yuyulushi, térrorluq we keng kölemlik qirghuchi qorallarni kéngeytish qatarliqlarning maliye menbesini qurutush kürishining xelqara ölchemlirini belgileydighan we her qaysi döletlerning bu ölchemge emel qilghan yaki qilmighanliqini nazaret qilidighan bir teshkilat ikenlikige isharet qilindi.

türkiyening 1991- yilidin buyan maliye herikiti xizmet guruppisining 39 ezasining biri ikenliki we xelqara ölchemge asasen chiqirilghan belgilimiler dairiside zörür qedemlerni tashlighanliqi tekitlengen bayanatta: «buningdin kéyinki musapide maliye herikiti xizmet guruppisi we barliq alaqidar organlar bilen hemkarlashqan asasta zörür qedemler dawamliq tashlinidu, dölitimizning naheq kirgüzülgen bu tizimliktin eng qisqa waqit ichide öchürülüshi kapaletke ige qilinidu» dégen ibarilerge orun bérildi.


خەتكۈچ: #uyghurche , #maliye , #türkiye

مۇناسىۋەتلىك خەۋەرلەر