ministir mush: türkiye - afriqa soda hejimi 25.3 milyard dollargha yetti

türkiye tashqi iqtisadiy munasiwet kéngishi, türkiye- nigériye soda – iqtisad kéngishi bilen nigériye soda – sanaetchiler birleshmisi hemkarliship oyushturghan türkiye – nigériye soda munbiri nigériyening paytexti ebujada ötküzüldi.

1722958
ministir mush: türkiye - afriqa soda hejimi 25.3 milyard dollargha yetti

türkiye awazi radiyosi xewiri: türkiye soda ministiri mehmet mush, türkiye bilen afriqa otturisidiki iqtisadiy munasiwetning  2003- yilidiki «afriqa döletliri bilen bolghan soda - iqtisadiy munasiwetni tereqqiy qildurush istratégiyesi» yolgha qoyulghandin buyan téz tereqqiy qilghanliqini eskertti.

türkiye tashqi iqtisadiy munasiwet kéngishi, türkiye- nigériye soda – iqtisad kéngishi bilen nigériye soda – sanaetchiler birleshmisi hemkarliship oyushturghan türkiye – nigériye soda munbiri nigériyening paytexti ebujada ötküzüldi.

yighingha soda ministiri mehmet mush, nigériye soda, sanaet we meblegh sélish ministiri otunba niyi adibayo, türkiye tashqi iqtisadiy munasiwet kéngishi bashliqi nail olpak we nurghun soda – sanaetchi ishtirak qildi.

ministir mush bu yerdiki sözide, afriqa chong quruqluqi bilen bolghan iqtisadiy munasiwetning  2003- yilidiki «afriqa döletliri bilen bolghan soda - iqtisadiy munasiwetni tereqqiy qildurush istratégiyesi» yolgha qoyulghandin buyan téz tereqqiy qilghanliqini tekitlep: «2003- yili türkiye - afriqa soda sommisi 5 milyard 400 milyon dollar idi,  2020 – yiligha kelgende bu miqdar 25 milyard 300 milyon dollargha yetti» dégenlerni qeyt qildi.

türkiyening afriqigha qilghan éksportining 2 milyard dollardin 15 milyard dollargha örligenlikini bildürgen mush, importning 3 milyard dollardin 10 milyard dollargha örligenlikini qeyt qildi.

ministir mush, nigériyening türkiyening afriqa chong quruqluqidiki altinchi chong soda hemrahi, sehrayi kebirning jenubidiki afriqa döletliri ichidiki birinchi chong soda shériki ikenlikini tilgha élip ötti.


خەتكۈچ: #uyghurche , #iqtisad , #afriqa , #türkiye

مۇناسىۋەتلىك خەۋەرلەر