министир муш: түркийә - африқа сода һәҗими 25.3 милйард долларға йәтти

түркийә ташқи иқтисадий мунасивәт кеңиши, түркийә- нигерийә сода – иқтисад кеңиши билән нигерийә сода – санаәтчиләр бирләшмиси һәмкарлишип ойуштурған түркийә – нигерийә сода мунбири нигерийәниң пайтәхти әбуҗада өткүзүлди.

1722958
министир муш: түркийә - африқа сода һәҗими 25.3 милйард долларға йәтти

түркийә авази радийоси хәвири: түркийә сода министири мәһмәт муш, түркийә билән африқа оттурисидики иқтисадий мунасивәтниң  2003- йилидики «африқа дөләтлири билән болған сода - иқтисадий мунасивәтни тәрәққий қилдуруш истратегийәси» йолға қойулғандин буйан тез тәрәққий қилғанлиқини әскәртти.

түркийә ташқи иқтисадий мунасивәт кеңиши, түркийә- нигерийә сода – иқтисад кеңиши билән нигерийә сода – санаәтчиләр бирләшмиси һәмкарлишип ойуштурған түркийә – нигерийә сода мунбири нигерийәниң пайтәхти әбуҗада өткүзүлди.

йиғинға сода министири мәһмәт муш, нигерийә сода, санаәт вә мәбләғ селиш министири отунба нийи адибайо, түркийә ташқи иқтисадий мунасивәт кеңиши башлиқи наил олпак вә нурғун сода – санаәтчи иштирак қилди.

министир муш бу йәрдики сөзидә, африқа чоң қуруқлуқи билән болған иқтисадий мунасивәтниң  2003- йилидики «африқа дөләтлири билән болған сода - иқтисадий мунасивәтни тәрәққий қилдуруш истратегийәси» йолға қойулғандин буйан тез тәрәққий қилғанлиқини тәкитләп: «2003- йили түркийә - африқа сода соммиси 5 милйард 400 милйон доллар иди,  2020 – йилиға кәлгәндә бу миқдар 25 милйард 300 милйон долларға йәтти» дегәнләрни қәйт қилди.

түркийәниң африқиға қилған експортиниң 2 милйард доллардин 15 милйард долларға өрлигәнликини билдүргән муш, импортниң 3 милйард доллардин 10 милйард долларға өрлигәнликини қәйт қилди.

министир муш, нигерийәниң түркийәниң африқа чоң қуруқлуқидики алтинчи чоң сода һәмраһи, сәһрайи кәбирниң җәнубидики африқа дөләтлири ичидики биринчи чоң сода шерики икәнликини тилға елип өтти.



مۇناسىۋەتلىك خەۋەرلەر