türkiye-afriqa iqtisad we soda munbiri yighini ete bashlinidu

3-nöwetlik türkiye-afriqa iqtisad we soda munbiri yighini ete jumhur reis rejep tayyip erdoghanning ishtirak qilishi we soda ministiri mehmet mushning sahibxanliqida istanbulda bashlinidu.

1722449
türkiye-afriqa iqtisad we soda munbiri yighini ete bashlinidu

türkiye awazi radiyosi xewiri: türkiye jumhuriyiti soda ministirliqining bayanatigha qarighanda, munberge 41 dölettin 250 kishilik resmiy wekiller ömikining qatnishishi mölcherlenmekte iken.

yuqiri derijilik ishtirakchilar ichide jenubiy sudanning muawin prézidénti doktor jéyms wani iga bilen 29 ministir we 8 muawin ministir bar, hemde töt rayonluq teshkilattin ikki diréktor bar iken.

munber dairiside türkiye bilen afriqa döletliri otturisidiki soda we iqtisadiy munasiwetlerni tereqqiy qildurush yolida tashlinidighan qedemler muzakire qilinidighan «türkiye-afriqa shériklik munasiwitini chongqurlashturush: soda, meblegh sélish, téxnika we eshya oboroti» témiliq ministirlar uchrishishi ötküzülidu.

munberge türkiye we afriqa döletliridin bolup 2000 dek sodiger qatnishidu.

munber dairiside yene, afriqa erkin soda rayoni, meblegh sélish, bankichiliq, sehiye we ayallar rehberliki qatarliq sahelerning mutexessisliri söz qilidighan muhakime yighinliri, türk we afriqa soda-sanaetchilirini bir yerge jem qilidighan ikki tereplik soda yighinliri bilen soda we sélinma saheside afriqa döletlirining emeldarliri bilen soda – sanaetchilerni özara uchrashturidighan ayrim yighinlarmu éichlidu.


خەتكۈچ: #uyghurche , #soda , #afriqa , #türkiye

مۇناسىۋەتلىك خەۋەرلەر