түркийә-африқа иқтисад вә сода мунбири йиғини әтә башлиниду

түркийә авази радийоси хәвири: түркийә җумһурийити сода министирлиқиниң байанатиға қариғанда, мунбәргә 41 дөләттин 250 кишилик рәсмий вәкилләр өмикиниң қатнишиши мөлчәрләнмәктә икән.

йуқири дәриҗилик иштиракчилар ичидә җәнубий суданниң муавин президенти доктор җеймс вани ига билән 29 министир вә 8 муавин министир бар, һәмдә төт районлуқ тәшкилаттин икки директор бар икән.

мунбәр даирисидә түркийә билән африқа дөләтлири оттурисидики сода вә иқтисадий мунасивәтләрни тәрәққий қилдуруш йолида ташлинидиған қәдәмләр музакирә қилинидиған «түркийә-африқа шериклик мунасивитини чоңқурлаштуруш: сода, мәбләғ селиш, техника вә әшйа обороти» темилиқ министирлар учришиши өткүзүлиду.

мунбәргә түркийә вә африқа дөләтлиридин болуп 2000 дәк содигәр қатнишиду.

мунбәр даирисидә йәнә, африқа әркин сода райони, мәбләғ селиш, банкичилиқ, сәһийә вә айаллар рәһбәрлики қатарлиқ саһәләрниң мутәхәссислири сөз қилидиған муһакимә йиғинлири, түрк вә африқа сода-санаәтчилирини бир йәргә җәм қилидиған икки тәрәплик сода йиғинлири билән сода вә селинма саһәсидә африқа дөләтлириниң әмәлдарлири билән сода – санаәтчиләрни өзара учраштуридиған айрим йиғинларму еичлиду.