фитч: түркийә йеқинқи 10 йилниң әң йуқири иқтисадий ешишини қолға кәлтүрүши мумкин

«түркийә иқтисади 2021- йили йеқинқи 10 йилниң әң йуқири ешиш сүритини қолға кәлтүрүши мумкин».

1707169
фитч: түркийә йеқинқи 10 йилниң әң йуқири иқтисадий ешишини қолға кәлтүрүши мумкин

түркийә авази радийоси хәвири: хәлқара инавәт баһалаш оргини — Fitch Ratings, түркийә иқтисадиниң ешиш сүритигә мунасивәтлик мөлчәрини %7.9 тин %9.2 кә өзгәрттти.

фитч, йәршари иқтисадиға нәзәр доклатиниң 9-айлиқ санини елан қилди؛ доклатта, тәминләш кәмчил болушниң әһвалиниң әслигә келиш сүритигә тәсир көрсәткәнликигә ишарәт қилинип, америка вә хитай иқтисадиниң бу йиллиқ иқтисадий ешиш мөлчәри төвәнлитилди, йавро райони, түркийә, полша, мексика, русийә вә җәнубий африқа иқтисадлириниң ешиш мөлчәригә йуқири йөнилишлик түзитиш киргүзүлди.

түркийә иқтисадидики әслигә келишниң давамлишиватқанлиқи әскәртилгән доклатта, бу йил %9.2 лик ешиш билән йеқинқи 10 йилниң әң йуқири иқтисадий ешишиниң қолға кәлтүрүлүш еһтимали барлиқи қәйт қилинди.

йуқири частотилиқ санлиқ мәлуматларниң иқтисадий һәрикәтләндүргүч күчниң бу йилниң кейинки йеримиғичә давамлашқанлиқи илгири сүрүлгән доклатта, түркийә иқтисадиниң 2022- йили  %3.5 гә чекингәндин кейин, 2023-йили %4.5 кә өрлишиниң мөлчәрлиниватқанлиқи тәкитләнди.



مۇناسىۋەتلىك خەۋەرلەر