әлван: пул пахаллиқи нишанидин ваз кәчмәймиз

хәзинә вә малийә министири лүтфи әлван қисқа мәзгиллик пайдини дәп пул пахаллиқи нишанидин ваз кәчмәйдиғанлиқлирини ейтти.

1660640
әлван: пул пахаллиқи нишанидин ваз кәчмәймиз

түркийә авази радийоси хәвири: хәзинә вә малийә министири лүтфи әлван, бурсада чақирилған бир йиғинда қилған сөзидә, пүткүл дунйани қаплап кәткән «ковид – 19» йуқуминиң, иҗтимаий, иқтисадий вә аммиви җәһәттин көплигән мәсилиләрни кәлтүрүп чиқарғанлиқини, йәр шари характерлик иқтисадниң, йеқинқи 100 йилдин буйанқи әң шиддәтлик тарийиш басқучини баштин кәчүргәнликини ейтти.

түркийәниң бундақ бир мушәққәтлик күрәшни ғайт зор мувәппәқийәтләр билән давамлаштурғанлиқини әскәрткән әлван, ташлиниватқан қәдәмләрниң түрткисидә, түркийәниң 2020 – йилини зор нәтиҗиләр билән тамамлиғанлиқини, пул пахаллиқиға қарши күрәшниң барлиқ иқтисадий сийасәтләрниң мәркизидин орун алидиғанлиқини тәкитләп мундақ деди: «пул, малийә, пул муамилә саһәси билән қурулмилиқ сийасәтлиримиз тәңпуң һаләттә давамлашмақта. қисқа мәзгиллик пйдини дәп, пул пахаллиқи нишанидин  әсла ваз кәчмәймиз. пул пахаллиқиға қарши күрәштә, мөлчәрләр қанилиниң қанчилик дәриҗидә һалқилиқ рол ойниғанлиқини обдан билимиз. қәтий мәйданимиз вә йолға қойулуватқан сийасәтләр, пул пахаллиқидики өсүш мөлчәрлириниң бузулушидиму муһим рол ойнайду.»



مۇناسىۋەتلىك خەۋەرلەر