америка мәркизий банкаси сийасәт өсүмини өзгәртмиди

америка мәркизий банкаси (Fed) федератсийә ечиветилгән базар комитетиниң ийун ейи йиғинидин кейин, сийасәт өсүмини аваз бирлики билән %0.25-0 арисида муқим тутушни қарар қилди. пул пахаллиқи тәхминини өстүрди.

1659779
америка мәркизий банкаси  сийасәт өсүмини өзгәртмиди

түркийә авази радийоси хәвири: америка мәркизий банкаси сийасәт өсүмини өзгәртмигәнлики тоғрисида байанат елан қилди.

банканиң бу һәқтики байанатида, банканиң 2021-йилиға мунасивәтлик март ейидики пул пахаллиқи тәхминини бир номур йуқири көтүрүп %3.4 кә өстүргәнлики әскәртилип, пул пахаллиқиниң йуқириға йүзләнгән бесимларниң вақитлиқ икәнлики илгири сүрүлди.

байанатта, өсүм өстүрүш еһтималлиқлириниң 2023-йили башлиниши мумкинлики билдүрүлди.

комитет март ейида 2024-йилиғичә һечқандақ өсүм өстүрүлмәйдиғанлиқини билдүргән иди.

америка мәркизий банкасиниң башлиқи җером повел (Jerome Powell) байанат елан қилип, банканиң мал баһасиниң муқимлиқи вә әң йуқири чәктә ишқа орунлаштурушни капаләткә игә қилишни өз ичигә алған пул сийасити нишаниға йетиш мәсилисидә, қәтий қарарға игә икәнликини ейтти.

у мәркизий банканиң иқтисадни әслигә кәлтүрүш тамамланғучә сийасәт өсүмини вә мүлүк сетивелишни муқим тутуп, давамлиқ иқтисадни күчлүк қоллайдиғанлиқини тәкитлиди.



مۇناسىۋەتلىك خەۋەرلەر