aljiriye déngiz qatnash kélishimini testiqlidi

türkiye awazi radiyosi xewiri: aljiriye pirézidénti abdulmejid tebbun 5-may (2021) imzalighan pirézidént qararnamisi tünügün (2021-yili 3-iyun) resmiy gézitte élan qilindi. testiqlanghan kélishim boyiche, ikki dölet otturisida kémisazliq we kéme rémontidin bashqa, port qurushta téxnika jehettin özara hemkarliq ornitilidu.

ikki dölet otturisida yoluchilar we soda omumiy hejimini ashuridighan kélishim 1998-yili 25-may tüzülgen bolsimu, bügüngiche aljiriye hökümiti testiqlimighan idi.

türkiye bilen aljiriye otturisida soda omumiy hejimi 3.5 milyard dollar bilen 4.2 milyard dollar arisida. ikki dölet mesulliri bu reqemni 5 milyard dollargha chiqirishni xalaydighanliqlirini bildürgen idi.

aljiriye pirézidénti abdulmejid tebbun charshenbe küni (2021-yili 2-iyun) firansiyening «lé poynt» zhurnilining ziyaritini qobul qilghanda, aljiriyening héchqandaq siyasiy telep qoymastin texminen 5 milyard dollar meblegh salghan türkler bilen mustehkem munasiwetlerge ige ikenlikini bildürgen idi.