түркийә мавританийәдики еһтийаҗлиқ аилиләргә йардәм қолини сунди

түркийә авази радийоси хәвири: түркийә диний ишлар идариси вә дийанәт ишлири түрк – ислам бирликиниң германийәдики вакаләтханисиниң уйуштуруши билән, мавританийәдә қийин шараитларда йашаватқан мусулманларға йардәмчи болуш мәқситидә чәт әлләрдә инсанпәрвәрлик йардәм сәпәрвәрлик паалийәтлири елип берилмақта.

сәпәрвәрлик паалийәтлири даирисидә топланған ианәләр билән тәййарланған инсанпәрвәрлик йардәм буйумлири қачиланған йешикларниң бир қисми, мавританийәниң пайтәхти нвакшотниң тәхминән 400 километир җәнубидики  сенегал чеграсиға җайлашқан бракна районида йашаватқан еһтийаҗлиқ аилиләргә йткүзүп берилишкә башланди.

райондики хәлқниң қизғин алқиши билән қарши елинған түркийәниң нвакшот әлчиханиси диний хизмәтләр ишлири бөлүминиң мәслиһәтчиси рәмзи йарба билән түркийә диний ишлар идариси вә динайәт ишлири түрк – ислам бирликиниң германийәдики вакаләтханисиниң мәсуллири, инсанпәрвәрлик йардәм буйумлири билән түрлүк һәдийәләрни еһтийаҗлиқ аилиләргә тарқитип бәрди.

игилинишичә, мәсуллар түрлүк районларда инсанпәрвәрлик йардәм паалийәтлирини рамизан ейидиму изчил давамлаштуридикән.